ПАЛАЖЭННЕ
аб арганізацыі работы Савета па харчаванні
lзяржаўнай установы дашкольнай адукацыі
«Дзіцячы сад №41 г. Баранавічы»
Гэта Палажэнне распрацавана ў адпаведнасці з рэкамендацыямі Міністэрства адукацыі Рэспублікі Беларусь ад 10.08.2001г. і вызначае парадак арганізацыі работы гэтага Савета па кантролі за арганізацыяй харчавання дзяцей і навучэнскай моладзі.
У сістэме дашкольнага харчавання рэалізуецца прынцып шматузроўневага кантролю якасці харчавання, у тым ліку асноўная роля ў арганізацыі і кантролі за якасцю харчавання адводзіцца Савету па харчаванню.
Штогод (у пачатку навучальнага года) загадам загадчыка зацвярджаецца склад Савета па харчаванні.
Савет складаецца з не менш як 5 чалавек:
- старшыня Савета
- сакратар Савета
- прадстаўнік прафсаюзнага камітэта
- члены савета
Савет па харчаванню выбіраецца на 3 гады (выбары могуць праводзіцца па меры неабходнасці ў перыяд работы Савета).
Савет па харчаванні ажыццяўляе работу ў адпаведнасці з планам работы на год, які распрацоўваецца на бягучы навучальны год, зацверджаным кіраўніком установы.
Савет па харчаванні праводзіць пасяджэнне адзін раз у квартал, (калі неабходна, то і адзін раз у месяц).
На пасяджэннях Савета па харчаванню абмяркоўваецца стан арганізацыі харчавання ва ўстанове, разглядаюцца вынікі вывучэння арганізацыі харчавання, выяўленыя парушэнні, меры па ўстараненню недахопаў, аналіз выканання норм харчавання за папярэдні месяц, якія праводзіць асоба адказная за харчаванне.
Планавыя наведванні (праверкі) праводзяцца не менш як 2 разы на месяц, з наступным актаваннем.
Кантрольныя функцыі Савета па харчаванні рэалізуюцца ў наступных напрамках:
1. Кантроль за выкананнем нарматыўных прававых актаў і іншых дакументаў, якія дзейнічаюць у галіне арганізацыі харчавання выхаванцаў установы адукацыі.
2. Кантроль за выкананнем прыкладнага перспектыўнага двухтыднёвага меню, за разнастайнасцю страў па днях тыдня.
Дадзенае меню распрацоўваецца тэхнолагам (спецыялістам) аддзела адукацыі, зацвярджаецца начальнікам аддзела адукацыі.
Таксама прадугледжваецца варыянт распрацоўкі прыкладнага рацыёну харчавання спецыялістам установы адукацыі, з наступным узгадненнем у тэхнолага аддзела адукацыі гарвыканкама. Па магчымасці перспектыўнае меню павінна прайсці дзяржаўную экспертызу ў ЗЦГіЭ.
3. Кантроль за арганізацыяй рацыянальнага харчавання:
- арганізацыя вытворчага працэсу;
-дыферэнцыяцыю харчавання;
- фізіялагічная паўнавартаснасць рацыёнаў, аднолькавасць прапанаваных страў у асартыменце на любы прыём ежы;
- строгі ўлік дзяцей, якія маюць патрэбу ў дыетычным харчаванні (з абавязковым заключэннем лекара).
4. Кантроль працы харчаблокаў.
- арганізацыя вытворчага працэсу;
- вядзенне дакументацыі;
- санітарна-гігіенічны стан харчаблока, складскіх памяшканняў;
- рэжым мыцця посуду;
- наяўнасць неабходнага інвентара, посуду, мыйных і сродкаў дэзінфекцыі;
- працоўны стан халадзільнага і тэхналагічнага абсталявання, своечасовая паверка вагавага абсталявання з наступным пламбаваннем яго і наяўнасць заключнага акта;
- захаванне асабістай гігіены работнікамі харчаблока.
5. Кантроль за арганізацыяй забеспячэння прадуктамі харчавання харчаблокаў устаноў адукацыі горада:
- меры па зніжэнні затрат на закупку харчовых прадуктаў і сыравіны, выключэнні пасрэднікаў з сістэмы забеспячэння;
- выкарыстанне мясцовых вытворчых рэсурсаў;
- заключэнне дагавораў на прамыя пастаўкі прадуктаў харчавання;
- меры па патанненні харчавання і паляпшэнні яго якасці ўстановамі адукацыі, нарыхтоўка бульбы садавінагароднінай прадукцыі і па магчымасці перапрацоўка (засолка, закваска і інш. віды перапрацоўкі), згодна з нарматыўнай дакументацыяй;
- своечасовасць падачы заявак кладаўшчыком, поварам, медыцынскім работнікам, згодна з прыкладным рацыёнам харчавання і іх выкананне ў поўным аб'ёме і асартыменце.
6. Кантроль за якасцю прадуктаў, умовамі іх захоўвання і тэрмінамі рэалізацыі:
-адпаведнасць якасці прадуктаў, г.зн. наяўнасць дакументаў, якія сведчаць якасць прадуктаў з указаннем даты выпрацоўкі, гатунку або катэгорыі, тэрміну рэалізацыі, харчовай каштоўнасці. У таваратранспартных накладных наяўнасць звестак аб утрыманні ў прадуктах радыенуклідаў, а ў гародніне і садавіне - аб утрыманні нітратаў. Наяўнасць маркіровачных ярлыкоў у кожным фасаваным пастаўляемым тавары. Захаванне ўмоў захоўвання, тэрмінаў прыдатнасці прадуктаў і таварнага суседства.
7. Кантроль за ўкладаннем прадуктаў пры гатаванні ежы і выхадам страў:
- ажыццяўляецца праверка закладкі сырой прадукцыі, выхад гатовай стравы або вырабу ў адпаведнасці з меню-раскладкай і тэхналагічнай карты страў;
- кантроль раздачы ежы, тэмпература стравы і час яе падачы.
8. Кантроль за выкананнем ключавых тэхналагічных аперацый пры прыгатаванні ежы: ці вытрымліваецца тэмпературны рэжым, правільнасць халоднай апрацоўкі сыравіны, працягласць цеплавой апрацоўкі, ці праходзіць сыравіна патрэбную тэхналагічную апрацоўку і г.д.
9. Актывізацыя ўкаранення ў арганізацыю харчавання навучэнцаў на сучасных тэхналогій прыгатавання ежы, а таксама розных форм абслугоўвання: папярэдняя замова страў па меню заўтрашняга дня, абслугоўванне па тыпе шведскага стала, арганізацыя працы буфетаў, кафэ і г.д.
10. Кантроль за дабраякаснасцю ежы:
- дадзены кантроль ажыццяўляецца на ўсіх стадыях яе падрыхтоўкі і сканчаецца здыманнем спроб. Кантроль ажыццяўляецца на аснове арганалептычнага аналізу страў, якія адпускаюцца на рэалізацыю. Захаванне тэмпературнага рэжыму падачы гатовых страў;
- захаванне графіка прыёму ежы дзецьмі.
Акрамя кантрольных функцый Савет па харчаванні праводзіць работу па прапагандзе здаровага ладу жыцця і асноў рацыянальнага харчавання. Дапамагае вырашаць арганізацыйныя праблему па набыцці халадзільнага і тэхналагічнага абсталявання для харчаблока, у тым ліку сучаснага высокапрадукцыйнага абсталявання для нарэзкі гастраноміі, агародніны і г.д., набыццю нарматыўна-тэхналагічнай дакументацыі і метадычных рэкамендацый.
11. Вядзенне дакументацыі.
Савет па харчаванні вядзе наступную дакументацыю:
- загад на зацвярджэнне складу Савета па сілкаванні;
- план работы Савета на навучальны год;
- пратаколы пасяджэнняў Савета;
- даведкі па праверцы арганізацыі харчавання, аналізу арганізацыі харчавання дзяцей;
- маніторынг ахопу гарачым харчаваннем навучэнцаў;
- метадычныя распрацоўкі, памяткі і рэкамендацыі для педагогаў, навучэнцаў і бацькоў.